Suliffimmut tunngasumik sukumiinerusumik paasissutissat
(Vi søger grønlandsktalende jurastuderende. Stillingsopslaget er derfor på grønlandsk.)
Stenbroens jurister tassaapput inatsisitigut angerlarsimaffeqanngitsunut, aanngajaarniutinik pinngitsuuisinnaanngitsunut allanullu inuiaqatigiinni navianartumik inissisimasunut inatsisit pillugit siunnersuisartut.
Stenbroens Jurister oktober 2024 aallarnerfigalugu Danmarkimi qallunaatut inatsisit pillugit siunnersuisarnermik saniatigut kalaallisut siunnersuisalernikuupput. Københavnimi Aarhusimilu allaffeqarpugut orninneqarnikkut oqarasuaatikkullu saaffigineqartarluta.
Maannakkut Københavnimi immikkoortortaqarfitsinni inatsisilerituutut ilinniartunik marlunnik kalaallisut oqaasilinnik ujarlerpugut sukkanerpaamik sulilertussanik. Suliffittaarni immikkoortortaqarfik inunnik/kalaallinik sullissisunut suleqataalissaatit, inatsileritoorput Sina Parbst Frederiksen kalaallinik siuaasalik peqatigalugu, inatsisilerituutullu ilinniartut kalaallisut oqaasillit allat pingasut ilagalugit, taakkunani marluk Aarhus-imiittuusut.
Immikkoortortaqarfik kalaallinut sullisisut suliaat Stenbroens Juristit suliaannit allaanerussuteqarput, tassa inuunerminni navianartumik inissisimasunut pituttorsimasumik sullissiinnaratik, inunnut/kalaallinut tamanut ammasumik sullissinissamik neqeroorutaammat. Taamaasillutit inatsisilerinerup silarsuaani sulianik assigiinngitsorpassuarnik suliaqarnissamut misiliinissamullu periarfissaqassaatit.
Suliat Vesterbro-mi allaffitsinni, Kalaallit Illuutaanni aamma aqqusinikkut angalalluni sulinikkut ingerlanneqartassapput. Periarfissaqaruit Aarhus-imi immikkoortortaqarfitsinnut, Danmarkimi nunap ilaanut Kalaallillu Nunaannut angalasarnissamut periarfissaqaruit ilaasarsinnaavutit.
Taakkua saniatigut Stenbroens Juristit inatsisitigut siunnersuisarfiata ataaniilissaatit. Sulisut 17-uvugut, taakkunani inatsisilerituut qulingiluat inatsisilerituujullutik inatsisilerituutullu ilinniartut arfiniliullutik. Ukioq kingulleq Danmarki tamakkerlugu Kalaallit Nunaannilu inunnut ataasiakkaanut suliat 3.700-inik amerlatigisut suliaraagut.
Sulianik isumaqarluartunik ilinnut sullitarnullu tunniussaqarfiusunik suliaqarfiunissaa neriorsuutigaarput. Inatsisilerituutut ilinnialerlaajugaluaruit inatsisilerinerullu silarsuaani suli misilittagaqarpallaanngikkaluaruit, aammali sivisunerusumik ilinniarneq ingerlatereersimagukku pisariaqartippatsigit. Sukumiisumik sulianut tunngatillugu ilitsersuunneqarumaarputit, suliarnilu nalornisaqaruit inatsisilerituut aqutsisut, ilinniartoqatitit kalaallisut oqaasillit isumasiortarnissaanut periarfissaqartuaannassaatit.
Erngerluni sulilersinnaasumik ujarlerpugut. Suliffik annerpaamik 15-tiimi suliffissatut naatsorsuussaavoq, taamaattorli nammineq illit pisariaqartitatit naapertorlugit nalimmassakkamik tiimeqarnissaq periarfissaalluni. Assersuutigiinnarlugu pisariaqartikkukku aallaqqaammut sap. Ak. 5 tiimiinnaq sulisarnissat, tamanna isumaqatigiinnikkut aaqqissinnaavarput. Sulinerup ingerlanerani tiimit apparnissaanut qaffannissaanullu periarfissaqarputit.
Suliffik pillugu apeqqutissaqaruit mailimut ataani allaqqasumut allassinnaavutit imaluunniit Elise Rosing-imut sianerlutit, uunga oq. 53899130. Saaffiginnissutit
Erngertumik qinnuteqaatit CV-illu inuit@stenbroensjurister.dk -mut nassiutikkit. Qinnuteqaatit takkukkaangata misissorneqartassapput.
